Tann 6. desembur flagga býbussarnir í Havn við finskum fløggum, tí 6. desembur er finskur tjóðardagur. Finnland gjørdist sjálvstøðugt tjóð tann 6. desember 1917. Sostatt eru 107 ár liðin, síðani Finnland fekk fullveldi við at loysa frá Russlandi. Nógvir finnlendingar minnast dagin við at tendra livandi ljós í vindeygunum. Handlar og bankar eru stongdir, og dagurin er almennur frídagur.
Við í nýggja sáttmálanum um busskoyringina í Havn, sum settur varð í gildi 2011, er ein áseting um, at bussarnir skulu flagga við norðurlendskum fløggum á teimum norðurlendsku tjóðardøgunum. Í morgin er so fyrstu fer, flaggað verður, eftir at sáttmálin kom í gildi. Teir flestu norðurlendsku tjóðardagarnir eru um summarið, men Finnland hevur tjóðardag í desember.
Avgerðin um at flagga hesar dagar er fyri at styrkja um tann norðurlendska samleikan. Norðurlond hava eina felags søgu, ein felags mentanarligan arv, ein málsligan felagsskap og millum annað tí er týdningarmikið at varðveita og at styrkja henda samleika.
Nú bussarnir fara at minna okkum á teir norðurlendsku tjóðardagarnar, er ynskiligt at hetta fer at viðvirka til, at skúlar, barnagarðar, frítíðarskúlar o.o. fara at gera nakað burturúr og at skipað verður fyri m.a. norðurlendskum temadøgum.