Sóley og Eyðun í nevndina
Á aðalfundinum 25.mars 2009 bóru Kári á Rógvi og Jóannes N. Dalsgaard seg undan afturvali í nevndina.
Fyri teir blivu vald Sóley Danielsen og Eyðun Húsgarð. Eyrith Leyni Guttesen varð afturvald. Hini í nevndini eru Hallstein Sigurðsson og Carita Björklund.
Nevndin hevur ikki skipað seg enn.
Tiltkslimirnir Holger Arnbjerg og Margretha Næss vórðu afturvald.
Limagjald & limir
Tann 1.januar 2009 vóru 213 limir í Norrøna Felagnum í Føroyum (sama tal sum 01.01.2008).
Limagjaldið fyri 2009 er tað sama sum undanfarin ár, kr. 120,00.
20 fólk vóru á aðalfundinum, sum góðtók ársfrágreiðing og roknskap fyri 2008.
At enda
Av tí at Kári á Rógvi ikki stillar uppaftur á nevndarvalinum, fari eg vegna nevndina at takka honum fyri tíðina og ynskja honum góðan byr.
Eg fari at takka nevndini og skrivaranum í felagnum fyri samstarvið.
Eyrith Guttesen Leyni, forkvinna
25.mars 2009