Spenandi fyrilestur verður um norðurlendskt fiskivinnusamstarv og politiska arbeiðið í útnorði í sambandi við aðalfundin hjá Norrøna Ungmannafelagnum, sum verður hildin í posthúskjallaranum í Havn hóskvøldið 25. februar 2016 kl. 19.00
Seinastu árini hevur NUF arbeitt miðvíst við at stovna eitt Ungdómsins Útnorðurráð, fyri at skapa ein politiskan pall fyri ung í útnorði. Í hesum sambandi kemur Kári P. Højgaard, limur í Útnorðurráðnum at greiða frá týdninginum av útnorðursamstarvinum og hvat Føroyar fáa burtur úr einum tílíkum samstarvi.
Limir í ungmannafelagnum fara eisini at greiða frá hvussu gongur við at skipa ungdómsins útnorðurráð.
Eisini kemur Ásmundur Guðjónsson, stjóri í NORA, at greiða frá norðurlendska fiskivinnusamstarvinum og hvør føroyski leikluturin er, og hvat vit kunnu brúka eitt norðurlendskt samstarv til á hesum økinum.
Tiltakið er alment.