Týskvøldið 2. desember 2014 kl. 19.30 skipar Norrøna Felagið fyri fundi í Mettustovu, har evnið er Markaforðingar í Norðurlondum.
Vit fáa vitjan av Marjuni Magnussen, ið er føroyskt umboð í norðurlendska Markaforðingarráðnum.
Marjun fer at greiða frá arbeiðinum í Markaforðingarráðnum, um hvørjar forðingar føroyingar møta í øðrum Norðurlondum, og hvørjar forðingar norðurlendingar møta í Føroyum.
Markaforðingarráðið hevur sett sær fyri at loysa eitt ávíst tal av forðingum á hvørjum ári. Hoyr meira um hvørjar hesar eru, og fá møguleika til at gera tína ávirkan galdandi um hvørjar forðingar eiga at verða loystar ella verða fyribeindar í komandi árum.
Norrøna Felagið bjóðar kaffi og smákøkur.