Hósdagin 18. september 2014 verður fólkaatkvøða um sjálvstýri í grannalandi okkara, Skottlandi. Í hesum sambandi skipar Norrøna Ungmannafelagið fyri einum tiltaki við fyrilestrum, har tað eisini verður møguleiki at fylgja við skotska valinum.
Fyrstur at greiða frá verður fyrrverandi formaðurin í Meginfelag Føroyskra Studenta, Regin Berg, ið hevur lisið altjóða politikk við fróðskaparsetrið í Aberdeen í Skotlandi. Hann fer at greiða frá søguligu gongdini í Skottlandi og hugleiða um hví loysingarvongurin er vorðin so nógv sterkari hesi seinastu 30 árini.
Næstur verður fólkatingsmaðurin hjá Javnaðarflokkinum, Sjúrður Skaale, ið er útbúgvin cand. scient. pol. við fróðskaparsetrið í Keypmannahavn.
Hann fer at práta um nýggju nationalismuna í Evropa, ið av álvara er um at fáa fótin fastan. Nationalisman hevur tó ymisk andlit og ymisk endamál. Ein høvuðsmunur er, at meðan nakrar nationalistiskar rørslur venda sær móti ES, taka aðrar undir við ES
Tiltakið hjá ungmannafelagnum verður í Perluni frá klokkan 19.00