Hevur tú hug og evni at taka eina dygdargóða, altjóða studentsútbúgving, kallað IB (Altjóða Studentsprógv), í einum mennadi og avbjóðandi sosialum umhvørvi? Ja, so er United World College í Noregi helst nakað, sum tú kundi hugsað tær.
Tú ert saman við 200 næmingum úr uml. 80 ymiskum londum. Á tann hátt lærir tú nógv um tolsemi, ósemjuhandfaring umframt aðrar mentanir, samstundis sum tú fært eina dygdarútbúgving, ið gevur atgongd til allar hægri útbúgvingastovnar, t.e. universitet o. l., í øllum londum.
Útreiðslur
Allar útreiðslur, t.e. skúlagjald og vistarhald, verða goldnar av Studna. Harumframt rindar Studni 3.100 kr. um árið til ferð millum Føroyar og skúlan.
Flekke
Men hvar fer útbúgvingin fram?
Jú, hon fer fra á United World College i Flekki í Noregi. Skúlin liggur uml. 100 km norðan fyri Bergen, og í sera vøkrum umnhvørvi.
Freist at søkja
Fyri at søkja skalt í á sumri 2025 hava lokið 1. árið í einari gymnasialari útbúgving.
Freist at søkja um upptøku er fríggjadagin 28. februar, og upptøkusamrøður fara fram hósdagin 6. mars 2025.
Nærri upplýsingar
Nærri upplýsingar um skúlan fært tú við at venda tær til formannin í UWC Føroyum, Claus Reistrup, á telefon 55 50 37 ella til lestrarvegleiðingina í skúlanum, har tú gongur. Tú kanst eisini finna fleiri upplýsingar um skúlan í Noregi á hesi heimasíðuni: uwcrcn.no
Upplýsingar um skúlan eru eisini at finna á Facebook
Skjøl
- Tak niður Kunning um at søkja
- Tak niður Umsóknarblað